ВордПресс тылбааһа: 8 хонук ааста

От ыйын 21 күнүгэр ВордПресс тылбааһын сөргүтэн хаттаан саҕалаабыппыт. 8 хоммут эбит. Туох түмүктэрдээхпитий?

Тылбаас баран иһэр. 22% буолла. Бу элбэх дуу, аҕыйах дуу? Омос көрдөххө аҕыйах курдук. Ол эрээри тылбаастыыр дьон алтыһаан тылбааһыгар да, онлайн тылбааска да уопута суох дьон. Онон көрдөрүү ортоһуор диэм этэ. Салгыы бардахха түргэтээн иһиэҕэ диэн эрэл баар.

Бэҕэһээ ВордПресс тылбааһын сөргүттүбүт

Урут ханнык эрэ аһаҕас платформаҕа тылбаастаан испитим. Онтон, иллэрээ сыл этэ бадаҕа, манна https://translate.wordpress.org/ көспүтүн кэннэ илиим тиийбэккэ сылдьыбыта. Үс хонуктааҕыта көрбүтүм 12% тылбаастаммыт диэн сылдьар эбит. Онон, уолаттары кытта сүбэлэһэн баран, “Тылбаас” диэн тэрилтэм үлэһиттэригэр тылбаастатарга кэпсэттим. Бэҕэһээ хонтуорабар ыҥыран хайдах тылбаастыыры көрдөрдүм.